Il n'a cervelle ne cerveau;
C'est pourquoy si haut crier i'ose,
Qu'on meine aux champs ce coquardeau.
S'il veut rien faire de nouueau,
Qu'il œuvre hardiment en prose:
(l'entens s'il en sait quelque chose)
Car en rithme ce n'est qu'vn veau
Qu'on meine aux champs.
DU MAL CONTENT D'AMOURS.
D'ESTRE amoureux n'ay plus intention,
C'est maintenant ma ioindre affection:
Car celle-là, de qui ie cuydois estre
Le bien aymé, m'a bien faict apparoistre
Qu'au faict d'amour n'y a que fiction.
JE la pensois sans imperfection;
Mais d'autre amy a prins possession :
Et pour ce, plus ne me veux entremettre
D'estre amoureux.
Au temps présent, par toute nation,
Les dames sont comme un petit sion
Qui tousiours ploye à dextre et à senestre.
Bref, les plus fins n'y scauent rien cognoistre :
Par quoy concludz que c'est abusion
DU CONTENT EN AMOUR.
LA me tiendray où à present me tien,
Car ma maistresse au plaisant entretien
M'ayme d'vn cœur tant bon et désirable,
Qu'on me deuroit appeller miserable,
Si mon vouloir estoit autre que sien.
Er fusse Heleine au gracieux maintien,
Qui me vînt dire, Amy, fais mon cœur tien,
Ie respondrois: Point ne seray muable;
Là me tiendray.
QU'VN chascun donc voyse chercher son bien :
Quant est à moy, ie me trouue très bien :
l'ay dame belle, exquise et honorable :
Parquoy fussé-ie vnze mille ans durable
Au dieu d'Amours ne demanderay rien :
Là me tiendray.
DE L'AMOUR DU SIÈCLE ANTIQUE.
Av bon vieux temps un train d'amour régnoit
Qui sans grand art et dons se demenoit,
Si qu'vn bouquet donné d'amour profonde
C'estoit donner toute la terre ronde:
Car seulement au cœur on se prenoit.
Er si par cas à iouyr on venoit,
Sçauez-vous bien comme on s'entretenoit ?
Vingt ans, trente ans : cela duroit vn monde
Au bon vieux temps.
On est perdu ce qu'amour ordonnoit :
Rien que pleurs fainctz, rien que changes on n'oyt :
Qui vouldra donc qu'à aymer ie me fonde?
Il fault premier que l'amour on refonde,
Et qu'on la meine ainsi qu'on la meinoit
Au bon vieux temps.
D'VNE MAL MARIÉE, QUI NE VEULT FAIRE AI
CONTRE raison fortune l'esuollée
Trop lourdement deuers moy est vollée,
Quand pour loyer de ma grand loyaulté,
Du mien espoux ie n'ay que cruaulté,
En lieu d'en estre en mes maux consolée.
OR d'autre amy ne seray-ie accolée
Et aymerois mieux estre décolée,
Que desloyalle à sa desloyauté
Contre raison.
LA fleur des champs n'est sechée, et foulée
Qu'en temps d'hyuer, mais moy pauure affolée
Pers en tout temps la fleur de ma beauté,
Hélas ma mère, en qui i'ay priuauté,
TANT que viuray en aage fleurissant,
le seruiray d'amour le dieu puissant,
En faictz, en dictz, en chansons, et accords.
Par plusieurs iours m'a tenu languissant,
Mais après dueil m'a faict resiouyssant,
Car i'ay l'amour de la belle au gent corps.
Son alliance,
C'est ma fiance.
Son coeur est mien,
Le mien est sien :
Fy de tristesse,
Viue lyesse,
Puis qu'en amours i'ay tant de bien.
QUAND ie la veux seruir et honnorer,
Quand par escriptz veux son nom décorer,
Quand ie la voy et visite souuent,
Les enuieux n'en font que murmurer:
Mais nostre amour n'en scauroit moins durer: Autant ou plus en emporte le vent.
LONG-TEMPS y a que ie vis en espoir,
Et que rigueur a dessus moy pouuoir;
Mais si iamais ie rencontre allégeance,
le luy diray : ma dame, venez veoir
Rigueur me bat, faictes m'en la vengeance.
Si ie ne puis allégeance esmouuoir,
le le feray au dieu d'Amour scauoir,
En lui disant: O mondaine plaisance,
Si d'autre bien ne me voulez pouruoir,
A tout le moins ne m'ostez d'espérance!
PVIS que de vous ie n'ay autre visage,
Je m'en vais rendre hermite en un désert,
Pour prier Dieu : si vn autre vous sert,
Qu'autant que moy en votre honneur soit sage.
ADIEU, amours, adieu, gentil corsage,
Adieu ce tainct, adieu ces frians yeux,
Je n'ay pas eu de vous grand aduantage :
Vn moins aymant aura peut-estre mieux.
POURTANT si je suis brunette
Amy, n'en prenez esmoy,
Autant suis ferme et ieunette
Qu'vne plus blanche que moy :
Le blanc effacer ie voy.
Couleur noire est tousiours vne:
|