ayans tous halecret & la fecrete lefquelz il faifoit bon veoir; & avoient quarante Enfeignes que le Roy leur avoit donné, aux couleurs noir, tané & blanc, & eux habillez de mefmes.

Et après alloient les quatre censtrante Archiers en bonne ordre armez & lance & baverolle, & après cent Arbalestriers de nouveau faitz foubz la charge de Monfigneur de Saint-Vallier, & cent autres Arbaleftriers, foubz Monfeigneur le Grant Senefchal; tous armez, la demy lance & la baverolle, tous acouftrés aux livrées de leurs Capitennes. Après ce, venoit M. le GrantMaistre de (a) Boify, & Loys M. de Van- (4) Boidy dofme, avec tous fes panfionnaires, fors gorriers & bien acoustrez, armez & bardés, faifans pennades.

Après, Monfieur le Grant Efcuyer le fuivoit avec les aultres Officiers de la Maison du Roy, & les Paiges du Roy,tous habillez de veloux noir, bandés à deux bandes de toille d'or.

Et après venoit Monfieur le Conneftable fort bien acouftré & à merveilles, après lequel alloient xxiiij trompettes qui fafoient merveilles de bondir. M vj

Le Roy alloit après foubz le poile que ceulx de la Ville portoient; & eftoit habillé ledict Seigneur d'ung Syon de veloux bleu, femé de fleurs de lys, & la barde de fon cheval, femblable, en une Tocque de veloux noyr, fans aucuns arnoys, & ne fe bougeoit de deffoubz ledit poifle, en faisant bonne myne, & chiere d'ung très-hault Prince.

Après lequel Seigneur marchoit Monfieur d'Alençon, Monfieur de Savoye & tous les autres Princes avecques plufieurs Marquis & Gentilzhommes dudit pays, fort bien. acoustrez, & après, les mignons de la Chambre du Roy, aux couleurs noyr, blanc & tanné, les tous deffufdictz bardés.

Si alloient après Monfeigneur le Grant .Seneschal & Monfieur de Saint-Valier avec les Gentilzhommes de la Maifon du Roy, fort bien acoustrez ; & n'eftoit mention entre eulx fors que mieulx le feroit; & après eulx fuyvoient deux cens Pages portans les demy-lances, ganteletz & l'armet defditz Gentilzhommes, & finablement alloyent & marcharent Meffeigneurs de la Pa

lice, de Bayard, de Theligny, & aultres grans Capitennes, & grant nombre de gens d'Ordonnances; laquelle chofe dura jufques à la nuyt.

Et vint ledit Seigneur defcendre au Dosme, & lors l'artillerie eftans dedans le Palais, commença à tirer, & les Lanfquenetz - haquebutiers après; & ne veift-on oncques telle tempefte; & après, le Chafteau commença à tirer xlij..groffes piéces, & fans faulte il n'y avoit homme qui ne plouraft de joye, quant aux Françoys: car on euft dit que c'eftoit chofe apreftée pour donner la bataille devant la place dudit Dofme.

Et de-là le Roi alla loger audit Palais, & non pas audit Chafteau, pour ce qu'il fent dedans iceluy Chafteau, à caufe de plufieurs ordures que les Suiffes bleffés & aultres, ont laiffé dedans; mais Monfieur de Saint-André eft dedans qui eft garde dudit Chateau.

Au regard des Dames, les feneftres & bouticques de Millan, en eftoient plaines, & bien fort gorrieres; & croyez qu'elles y ayment mieux les Françoys que Maximilien

ne fa compaignie. Ledit Maximilien eft à Pavie, & s'en yra en bref, & font bien efbays & efmerveillez les Miliannoys de la bonté & doulceur dudit Seigneur qui a pardonné à ung chafcun lefquels s'en retour: noient en leurs maifons, fans ce que on leur face aucun defplaifir. L'on a commencé à envoyer des gens de pied eftant en Adandole & à Lugan, pour remettre le tout à la main du Roy. Monfieur de la Guiche eft allé en Suyffe, pour ouyr parler de quelque appoinctement. La ratification de l'appoinctement du Pape & du Roy, eft conclu, & actend-on que lefdictz Suyffes vouldront dire.

S'enfuyt la forme du Traité & appoinctement fait entre le Très - Creftien Roy de France Françoys premier de ce nom, & Maxilian Sforce, fur le fait & eftat de la Duché de Millan, & de la provifion que ledit Seigneur donne audit Maximilian.

FRANÇOYS par la grace de Dieu Roy de France Duc de

Milan & Seigneur de Gennes. A tous ceulx qui ces préfentes Lettres verront: Salut. Comme puis n'aguiéres moyennant la grace divine, nous ayons recouvert par force noftre Duché de Milan, duquel avoit efté expulfé feuz de bonne mémoyre le Roy Loys noftre beau- pere que Dieu abfoulle, & font de prefent le tout reduyt à noftre main & obéiffance, fors les Chafteaux de Millan & Cremonne que tient & occupe noftre coufin Maximilian Sforce; pour lefquelz recouvrer, avons fait affiéger icelluy Chafteau de Millan, abbatu fes deffences d'iceluy, & proceder de forte que efperons en brief le remettre par force en noz mains. Toutesfois noftredit coufin qui eft dedans, nous a fait prier & requerir par fes Commis & Deputez, que voufiffions venir à quelque amiable compofition avecques luy, moyennant laquelle nous rendront & remettront en nos mains lefdits Chafteaulx de Millan & Cremonne,avec l'artillerie, munitions de vivres eftans en icelluy: fçavoir faifons, que pour éviter les dangiers & homicides que pourroient efcheoir en baillant