Peult avoir le gouvernement Du mignon: depofe briefvement, Que après qu'il fust à devis, Comme dit a efté devant, Il alla gaudir à Paris,
Et hanta tous legiers efpritz, Gorgias, enfans de plaifance, Et eut par telz charivariz
De la Simple grant congnoiffance; Or par vertu de l'acointance Et de fa gorgiafeté,
Une fecrette intelligence, Les mift en grande privaulté.
Depuis par amours ont hanté
Souvent l'ung l'autre, ilz fe trouverent Eux deux à une voulenté:
Vela comment ilz s'entraymerent. Et tousjours fi bien s'accorderent Sans courouffer, ne rechiner, Que je cuyde qu'ilz befongnerent Ainfi qu'il failloit befongner. Et ce mignon pour abréger, Pour la remuneration
Des biens faitz, fe veult obliger, Et mettre en la fubjection De cefte Simple, ce dit-on, Et depuis fut abandonné A elle ainfi fai& pactum. Veftium traditione; Item ufurpatione,
Elle en acquift la feigneurie: Car elle en à jouy & ufé Dudict mignon toute fa vie. Au regard de la baterie, Et aufli fur les aultres pointz, Depofe de la broüillerie
Comme on fait les autres tefmoingz, Et ce dict tout ne plus ne moins Et ce mefme jour fur la brune.
LE SIXIESME TESMOING. Fut oiy fans aller plus loing
Quelq'un qui nous en bailla d'une, Maitre Mathieu de Hoche-prune, Recepveur de riffle pecune, Reformateur de tous coquus, Grant coufin de Happe la lune, Efpicier de dragée commune, Et marchant de moules à culz, Seelleur de harnoys efmoulus, Greffier fur le faict des efleuz, Efcripvant en lettre de forme, Patron des enfans diffolus, Notaire en parchemin de corne, Et grant Advocat deffoubz l'orme, Juré fans reigle ne fans norme, Aagé de je ne fçay combien, Interrogué fans fe qu'il dorme, Nous ont dit tout le tu autem.
Et tout premierement, que l'an Mil quatre cens foixante & dix, La propre veille de faint Jehan, En la fepmaine à deux jeudis, Par fes parolles & fes dictz, Dont n'eit ja befoing de foy taire, Avecques d'aultres eftourdiz, Il fut fait & créé Notaire, Au Balliage de Pauquaire, Prefent maiftre Lucas Pillette, Auffi Monfieur le Commiffaire Maiftre Artus de Tourne-molettė, Meffire Dreux Barbe-follette, Maiftre Adam de Tire-lambeaux,
Maitre Gringenault Chevillete Grant Confeiller des Generaulx, Maiftre Ponce Arrache-boyaulx. Maistre Gratien Tafte-miftre, Audiencier de faitz nouveaulx, Et contrerolleur de beliftre, Maitre Marpault de Chante-epiftre; Maiftre Florentin Tefte-molle, Crachant tousjours loy ou chapitre, Et refolus comme Bertholle, Clercz quant ilz ont leur portecolle, Racheteur de rentes fonduës, Et touchant l'eftat de l'efcolle, Advocat de caufes perduës, Ce depofant en plaines ruës, Fut faict Notaire, & par excez » Paffa des lettres bien cornuës, Comme vous orrés cy après, Et eut en cefte office accez, Et en fut veftu & saisy, Par le trefpas, & le decez De feu Michelet Mauchoify, Lequel pour passer ung nifi, Et faire une monition
En vieil parchemin tout moify. Eftoit ung ouvrier de renom. Or dit après que le mignon Et la Simple vindrent à luy, Pour paffer l'obligation, Sur le fait de ce dict amy, Et brief, qu'il la paffa ainfi, Et y avoyt, fe luy fembloit, Que le dict mignon par tel fy, A cefte Simple s'obligeoit, Et en fes mains luy promettoit, Par fes mains corporellement,
Sur ce données qu'il ferviroit Ladice Simple complaignant, Et luy prefteroit franchement Son corps s'elle en avoit affaire, De bon gré vouluntairement, Sans jamais venir au contraire, Sans emanciper ou retraire Ailleurs, fans faire en luy nuysant Chofe qui luy doibve defplaire, Mais tousjours luy feroit duifant. Et en l'accollant, & baifant, Feroit les operations, Et renonça en ce faifant A toutes faulces actions Tromperies, exceptions, Refpis, lettres, & inftrumens, Quinquenelles, dilations, Privileges, & aultrement : Et à tout generallement, Contraire à cefte paction, Mesmement au Droit Toute renonciation. Et par fa depofition
Dift ledict tefmoing qu'il paffa Avec cefte obligation,
Et que le mignon confeffa, Et encores ratiffia,
Tout ce qui avoit esté faict. Et vela comment il s'en va, Et dit qu'autre chose n'en fçet. Oultre examiné en fecret Touchant les abus infinis De la Rufée; refpond de faict Comme les temoings deffufdictz Les ditz defquelz icy reduicz Avons, en toute diligence,
Bien examinez & exquis,
Tout felon Dieu, & confcience: Et leflicz tefinoings fans doubtance, Produis par la demandereffe, Jurés & ouys en l'absence De ladicte deffendereffe, Et en befongnant fans pareffe, Par nous celte prefente année, La Fefte de noftre Parroiffe, A efté l'Enquefte achevée, Signée Geffroy Chaffe-marée Regnault Prent-tout, Macé Maudit, Commiffaires d'après difnée,
Comme deffus a efté dict.
Cy finit l'Enquefte d'entre la Simple & la Rufée.
« AnteriorContinuar » |