Or ne fçait-il dancer, finon
Une, filles à marier.

Devant qu'il fe voife ingerer,
A mener dame à fa plaisance,
Il va le Tabourin prier

Qu'il ne luy fonne que fa dance,
Celle qu'il fçet; puis s'advance,
Et entre ou parc, hors de la preffe,
Et le Tabourin vous commence,
A fonner, & joue, ma maistresse,
Contre fon dit & fa promeffe.
L'aultre fe efferve & fe trouble,
Et de fait quand la dance cefle,
Il demeure fur ung pas double :
Dieu fçet fe il fonge creux, & trouble;
Le povre danceur s'excufoit,

Mais quoy il n'avoit pas ung double,
Pour cela chafcun s'en mocquoit.
Je demande fe felon Droit,
On doit le Tabourin pugnir,
Se pour le pacte on le pourroit
Faire adjourner ou convenir :
Les Vieulx Droitz vouloient soutenir,
Que cela n'eftoit pas injure:
Mais les nouveaulx veullent tenir
Que c'eft tres grande forfaicture
Au Tabourin, & chofe dure
Au mignon, pour ce par fentence,
De Droit, de raison, d'efcripture,
On luy doit impofer filence,
Le deftituer de plaifance,

Le dégrader par bon moyen,
De chaine d'argent, de chevance,
De fon tabourin, de fon bien;
Car il devoit fur tout rien,
Tenir promeffe fans efclandre.

Tabourin, fouvienne vous en,

Et vous gardez bien de mefprendre :
Car noftre Droit a fait deffendre
Aux maiftres Jurez du meftier,
Qu'ilz n'ayent à recepvoir ou prendre
Aucun Bedon, ou Meneftrier,
Sans premier les faire jurer

Que à leur pouvoir ilz garderont,
Povres danceurs de demourer
De faillir, quant ilz danceront;
Mais qui plus eft redrefferont,
Tousjours ung povre gaudiffeur,
En façon que les gens diront,
Que c'eft ung notable danceur.
Et fi foubz moyen ou couleur
Ne veullent à cecy pourvoir,
On les prive de tout honneur,
Que les Tabourins peuvent avoir.
Aultre queftion fault mouvoir:
Bourgeoife hante le gibier,
Et

pour mieux faire fon debvoir,
Elle ayme ung plaifant Escuyer;
Et affin de fon cas celler,
Elle permet fa chamberiere
Baiser, taster, faire, & galler,
Au Paige Monfieur en derriere :
Et faict pact en cefte maniere,
Pour garder tousjours fes honneurs.
La paction eft-elle entiere,
Doit elle obtenir fes vigueurs?
Veu qu'elle eft contre bonnes meurs ;
De raifon, elle ne doit valloir :
Mais Droitz Nouveaulx font plus feurs
Et dient qu'il n'en doit challoir;
En celte matiere pour voir,
Il y a regard & fayeur

Car l'intention & vouloir,
Eftoit pour garder fon honneur:
Et pour ce eft de bonne valleur
Le contra&, & la paction,
Et s'il y a faulte ou erreur,
Il y chet vallable action.

Je forme une aultre question,
Une courtiere, ou maquerelle,
A proprement dire fon nom,
Sert une Bague fort nouvelle,
Gorgiafe, plaifante, & belle:
Elle la prie pour ung Seigneur,
Comme elle dit, elle l'appelle,
Ung grant homme, ung homme d'honneur,
Elle dit que c'eft ung donneur

De chapperons, de robbes fourrées :
Mais c'elt ung povre eftravagant,
Qui les vouldroit toutes fouppées.
Et dit qu'il a robbes fourrées,
Toutes neufves qu'il a faict faire,
Mais les fiennes font defchirées,
Tant eft povre & mince de caire.
Elle dit qu'il eft debonnaire,
Bel homme, plaifant, & mignot,
Et c'eft ung putier ordinaire,
Qui eft auffi lait q'ung marmot.
Elle luy dit en ung brief mot,
Qu'il eft de bon lieu, & eft faige,
Et toutesfois ce n'eft q'ung fot
Filz de quelque huron faulvaige.
Elle dit de luy que c'eft raige,
Qu'il eft Archediacre, ou Chanoine,
Et c'eft ung Preftre de village,
Ou le clerc de quelque vieil Moyne,
Au moyen de la Triolaine,
Et qu'elle en difoit des biens tant,

La povre mignonne fe pene,
Et s'en va vers luy tout batant.
Elle cuidoit avoir contant
Force monnoye & parpignolles;
Mais elle retourna pleurant,
Et ne fut payée qu'en parolles,
Elle cuidoyt ufer de bricolles,
Affin d'attrapper & de mordre,
Mais quoy, elle fut aux efcolles :
Elle aprint que c'eft que de l'ordre :
Elle avoit grant paour de fe tordre,
Tant y alloit vifte courant.

Je croy qu'il ne fallut rien de fobre,
Il n'y eut riens de demourant.
Je demande s'aucunement,
Elle pourroit, veu la matiere,
Le confeil & l'enhortement,
La façon d'elle & la maniere,
La deception toute clere,
L'abus qu'elle fift de langages
Faire convenir fa courtiere
Affin de ravoir fes dommaiges.
Le Droit dit, auffi font les faiges;
Veu le procès malicieulx,

De celle qui fait les courtaiges,
Son confeil faulx & frauduleux,
Cault, deceptif, & captieux,
Qu'elle rendera le falaire

A la mignonne, & en tous lieux
Privée à tousjours de ce faire.
Oultre la declaire faulçaire
En fon meftier, & fouffrera
Peine corporelle, arbitraire
Comme le Juge advisera:
Et par ce moyen ce fouldra
La queftion, puifque on s'y fiche,

C'est trop demouré fur cela,

RUBRICHE de Dolo. S'enfuit donc après la Rubriche. De Dolo, il n'y a fi riche,

,

Si povre, tant foit fimple ou gruë,
S'il eftoit fi large ou fi chiche,
Qui fur ce pas cy ne fe ruë.
Vecy comme il fe continue
En traitez & en pactions
Souvent eft la partie deçeuë
Par frauldes, circumventions;
Par après ès conventions,
Et aulx promeffes je m'aplique.
Ou tiltre des deceptions,
Lequel aujourd'huy on pratique.
Et penfez vous tant en praticque,
Que en amours & en marchandise
On ufe de grant Rhetorique,
Pour venir à fon entreprise,
De dol, de fraulde, & de faintife,
Chafcun veult glofer le pfautier:
Chafçun eft à la couvoitife,
Chafcun eft maistre du mestier.
Aujourd'huy ung grant Chevalier,
Ung grant Abbé, ung grant Seigneur,
Se yra franchement pourmener,
Avec ung petit Procureur,

Et luy portera grant honneur,
Pourveu que fa femme foit belle;
Et n'eft que pour avoir couleur
De hanter fouvent avec elle :
D'une habitude telle quelle,
On vient à l'habitation.
Tulle en fa Rhetorique appelle
La couleur frequentation.