Maiftre Guillaume l'Abbateur.
L'ABBATEUR.
Quant à moy tousjours je me tien,' A l'oppinion du meilleur.
LE JUGE. Opinez qui a le meilleur. Sus Maiftre Jacques l'affaictié, ' Que vous en femble dictes en?
L'AFFAICTIE.
Par faint Jacques ilz ont trop bien Dit, faictes en le traictié, Comme ilz ont dit formellement, Et qu'il n'y a aucun blecé, Vous ferez bien & juftement. LE JUGE.
Or ça donc pour abbregement, Oyez voz raisons très propices, Vous aurez ung appoinctement: Mais il faut payer les efpices, Se font les Droitz de noz offices, Et puys on vous appointera.
MAISTRE SIMON. Monfieur nous ne fommes pas nices, Ne vous chaille, on y penfera.
LE JUGE. Le Juge appointé vous a. En telle façon & fubstance, Et dic que celle Simple aura De ceft amy la recreance, Defpens refervez en fentence Diffinitive, fans doubter, Ouy de chafcune l'alegeance. Contraires vous peult appointer, Et viendrez vos faitz apporter Par efcript fabmedy au foir, Comme à cefte heure après fouper
S'il vous plaift vous y viendrez veoir. L'ACTEUR.
Par ce l'en peult appercevoir, Souvent en mainte plaidoyrie, Ung homme affin de recepvoir, Eftre enfemble juge & partie. Auffi l'Advocat qui playdie, Les causes, raifons, & moyens, Pourveu qu'il ayt la main garnye, Eftre pour les deux aboyans; Mais toutesfoys je n'en dys riens, Et vous en vueille fouvenir, Pardonnez à mon fimple fens, A Dieu jufques au revenir.
Cy fine le plaidoyé de Coquillart touchant la Symple la Rufee.
COMMENCE
L'ENQUESTE D'entre la Simple & la Rusée.
R ça maiftre Jean l'Eftoffé, Qui jadis fuftes eschauffé, Touchant mainte menuë pensée; Vous fçavez que dès l'an paflé, Y euft ung procès commencé,
Entre la Simple & la Rufée, Dont la caufe a efté plaidée, Et auffi liticontestée,
Par devant vous comme eft notoire, Et pour eftre plus abregée, Fut la recreance adjugée A la Simple & le poffeffoire. Et au regard du petitoire, Fut appointé par vous encoire, Quel' prouveroit fes intentions; Et pour cela vous debvez croire, Qu'elle bailla tout par memoire. Articles & pofitions,
Lefquelles faifoyent mentions De batures, feditions, D'excès, de partialité,
De contract, & de pactions, Et auffi de Droitz & raifons, Qui touchent la proprieté
Du mignon ; & en verité Cela fut par vous appoincté, Et furent donnez Commiffaires, Aufquelz la Rufée a porté Ainfi comme il eft d'équité, Ses poinaz & interrogatoires: Et la dicte Rufée encoires Aux poffeflions & memoires, Refpondit tout pour le meilleur. Du furplus voicy peremptoires, Lefquelz tantoft feront notoires, Et dont vous orrez la teneur. Or foubz correction Monfeigneur, Il femble qu'il y ayt erreur Bien grant en ceft appointement: C'est à favoir que ung poffeffeur Soit en la cause demandeur, Et qu'il preuve totallement
Ses faitz, je ne fçay pas comment; Car nous avons communemeut
Et de jure notiffimo,
Contre vous ung fort argument. Quod poffidenti, feurement
Nulla competit actio. Inftituta & digeftis
Auffi vray, que je le dis. Au Paragraphe cum vero De acquirendo dominio: Le plus fouvent invenia In jure, quod probatio Semper incumbit actori. Et doncques pour cela je dy; Quant eft de celte Simple cy Laquelle a eu la recreance Et poffeffion de l'amy,
S'il fault qu'elle prouve-cecys
Se femble maulvaise sentence, Mais fe la Rufée en fubftance; Veult obtenir la jouyffance De ce mignon, elle debvroit, S'elle cuyde avoir fans doubtance Sur le petitoire apparence, Prouver & pourfuyvir fon Droit. Au regard de ce on pourroit Refpondre en ce point qu'il vouldroit Qui eft bien vray, fe ung demandeur Sur le poffeffoire intentoit Seullement, & il obtenoit, Et parce qu'il fuft detenteur De la chofe, le deffendeur, Qui fe veult dire vray feigneur ; Et qui la noyfe renouvelle, Au petitoire foyez feur, Qu'il fe doibt tenir affailleur. Pourquoy, c'eft une aultre querelle. Mais quant enfemble on interpelle Les deux caufes en ung libelle, Le demandeur en l'une, fans ce Qu'on die que c'eft aultre querelle, Doibt l'autre prouver toute telle: Car ce n'eft que une mefine inftance, Et de l'une & l'aultre allegance, Ensemble doibt eftre traité,
Et le cas des deux fans doubtance, Soubz ung mefme juge intenté: Nam continentia caufa
Numquam non debet dividi. Comme nous avons Codice De judiciis la loy_Nulli. Doncques que c'efte Simple cy A les deux caufes intentées, Tout ensemble, par elle auffi
« AnteriorContinuar » |