& habitans de notre ville & faulxbourgs de Louviers, contenant que feu de bonne memoire le Roy Charles VII, que Dieu absoille, fachant & congnoiffant les grans, louables & recommandables fervices que lefdits fupplians & leurs predeceffeurs, en acquittant leurs loyaultés envers luy & la couronne de France, avoient fait durant les fiéges, invafions, guerres & entreprinses faictes par les Anglois anciens ennemis de noftre royaume & autrement en plufieurs manières, donna & octroya aux predeceffeurs defdits fupplians & leurs fucceffeurs a tousjours plufieurs beaulx, previlleiges & libertez touchant l'exempcion & franchifes de toutes tailles, aides, quatriefmes, subsides & impots, fournissement du grenier a fel dudit Louviers & autres droiz & prerogatives plus a plain contenus es lectres & chartes qui leur en ont efté octroyées & dont [ils fer]ont apparoir quant meftier fera; lefquelz dons & oc[troy le]ur ont efté confirmez mesmement par feu notre très [cher feig]neur & frère le Roy Charles VIII de ce nom [dernier decedé] que Dieu abfoille, du contenu efquelz privileiges, do[ns, octroys] libertez, exempcions, prerogatives & franchises iceulx fupplians & leursdits predeceffeurs ont joy & ufé, joyffoient & ufoient du vivant de notre dit feu feigneur & frère, ainsi que encores font a prefent, en nous très humblement requerans que notre plaifir foit auffi leur confermer iceulx privileiges & octroys & fur ce leur impartir notre grace & liberalité. Pourquoy nous ces chofes confiderées, defirans entretenir noz bons & loyaulx fubjects, mefmement iceulx fupplians en leurs droiz, franchises & libertez, inclinans par ce liberalement a leur fupplicacion & requefte, iceulx privileiges, dons, octroyz, exempcions, franchises & autres leurs droiz & prerogatives, & tout le contenu en iceulx avons louez, ratiffiez, aprouvez & confermez, & par la teneur de ces prefentes de notre grace efpecial, plaine puiffance & auctorité royal, louons, ratiffions, approuvons & confermons; voulons & nous plaift que lefdits fupplians & leurs fucceffeurs, manans & habitans de notre dite ville & faulxbourgs dudit Louviers en joyffent & ufent a tousjours perpetuellement, tant & fi avant que eulx & leurfdits predeceffeurs en ont par cy-devant deuement & juftement joy & ufé, joyffent & ufent encores de prefent. Si donnons en mandement, par ces mefmes presentes, a noz amez & feaulx confeillers les gens de noz comptes a Paris, généraulx confeillers ordonnez tant fur le fait du gouvernement de noz finances, que de la justice de noz aydes en notre pays & duché de Normandie, efleuz fur le fait des aydes [& tailles] ordonnez pour la guerre en l'election d'Evreux & a touz [autres efleuz] & commiffaires qui font & feront commis & or[donnés pour] mectre fus, affeoir & imposer tailles & impoftz & autres noz jufticiers & officiers ou a leurs lieuxtenans ou commis prefens & advenir & a chacun d'eulx, fi comme a luy appartiendra, que de nos prefens grace, octroy, ratifficacion, approbacion & confirmacion, ilz facent, fouffrent & laiffent lefdits bourgeois, manans & habitans de la ville & faulxbourgs de Louviers, fupplians & leurs fucceffeurs joyr & ufer plainement & paifiblement fans leur faire, metre ou donner ne souffrir estre fait, mis ou donné ores ne pour le temps avenir aucun deftourbier ou empefchement au contraire; lequel fi fait mis ou donné leur eftoit, le mectent ou facent metre incontinant & fans delay au premier eftat & deu, car tel eft notre plaisir, non obftant que par noz letres, mandemens ou commiffions qui feront envoyez pour meêtre fus, asseoir

& impofer noz tailles & impoftz soit mandé & affeoir & imposer a icelles toutes manières de gens exemps & non exemps, privilegiez & non privilegiez, affranchiz & non affranchiz, en quoy ne voulons ne entendons iceulx manans & habitans de ladite ville & faulxbourgs de Louviers, fupplians, eftre comprins ne entendus en aucune manière, ains en tant que est le contenu en leurs ditz privileges & qu'ils en ont par cy-devant [deuement] joy les en avons refervés & refervons par ces dictes prefentes [& quelzconques] autres lettres, ordonnances, reftrinctions, mandemens ou deffenfes [a ce contraires. Et] affin que que ce foit chose ferme & estable a tousjours nous avons [faict meêtre notre fcel a ces] dites prefentes, fauf en autres chofes notre droit & l'au[truy en toutes & pour ce que de ces] prefentes l'on pourroit avoir a besongner en plusieurs [lieux, nous voulons que] au vidimus d'icelles fait soubz scel royal [foy foit adjoutée comme a ce] present original. Donné a Soiffons, ou mois de j[uing l'an de grace] mil quatre cens quatre vingt dix huit, & de notre regne le premier. Sur le reply est [écrit: Par] le Roy, vous arcevesque de Rouen, l'evêque d'Alby & autres prefens. Signé Y. HERVOET, avec paraphe.

Vérifiées par la chambre des comptes de Paris, le 26 juillet 1498, & par les generaulx confeillers du Roy des finances, le 7 feptembre 1498; & par les generaulx confeillers du Roy des aydes en Normandie, le 3 octobre 1498, & enfin par les efleuz d'Evreux, le 7 octobre 1498.

Bibliothèque de Louviers. Priviléges de Louviers, AA, I, no Ix.

Cf. Ord. XXI, 47.

DCXVIII.

Lettres qui confirment les priviléges accordés au mois de mars 1441, les 23 décembre 1463, 21 janvier 1465, 26 mai 1467, en février 1483, & juin 1498, aux habitants de la ville de Louviers, en y ajoutant le droit exclufif d'approvifionner le grenier à sel a.

8

DCXIX.

Aveu rendu au Roi par l'archevêque de Rouen, des villes, terres & seigneuries qu'il poffède en Normandie, dans les bailliages de Rouen, Caux, Evreux & Gifors.

D

1501, 28 feptembre.

roy notre fire, tiens & avoue tenir par une feulle feauté Georges cardinal d'Amboise, archevefque de Rouen, les villes, terres, feigneuries nobles, francs fiefs, membres & partie de fiefs d'haubert, rentes, revenus, avec touttes leurs appartenances, justices, juridictions, coutumes, feigneuries, cours, vfages, droits, franchises, libertez, prerogatives, privileges & autres tenements, appartenants à la dignité archiepifcopalle de Rouen afsis au pays de Normandie & bailliage de Rouen, Caux, Evreux & Gifors, en plusieurs vicomtés & en bailliage d'eulx hors le pays de Normandie, prevofté de Pontoife & de Chaumont, dont la declaration s'enfuit :

Premièrement, au baillage & viconté de Rouen

Item, au baillage de Rouen, la ville, terre & feigneurie de Louviers en ladite vicomté du Pont de l'Arche, laquelle feigneurie s'étend ès parroiffes de N. D. & S. Germain de Louviers, du Val de Ruel & de Vauvray, de la Vacherie, de S. Martin jouxte Louviers; & en icelle ville terre & feigneurie de Louviers, led. archevesque a haute, moyenne & baffe juftice, manoir qu'on appelle de prefent le Chastel, terre, moulins a grain, a tend & a drap, moute & banniers, pafturage, poids, mefures, aulnages, rentes en deniers', en grains, en œufs & oiseaux, moutes & champart, hommes, hommages, reliefs, traizieme, amande, forfaitures, exploits de la jurisdiction, garde de fous aages, fouages quand ils efchoyent, tabellionnage & plufieurs revenus & droitures avec la foreft de Louviers felon ce qui est borné jouxte la forest du Bort, de laquelle les droits, proffits, amandes, exploits & gardes luy appartiennent.

Item, & d'icelle terre & feigneurie de Louviers font tenus par foy & hommage les fiefs que tiennent les personnes qui enfuivent; c'est assavoir :

Me Louis Louvel, un quart de fief de haulbert, nommé le Fief au Bigault a cours & vsage en basse justice, en la parroiffe Notre Dame de Louviers & ès parties d'environ, & d'icelui quart de fief doit audit archevefque par an vingt cinq fols au terme Saint Michel. Item, Me Guillaume Caignard tient un quart de fief noble, nommé le Fief de Folleville, duquel le chef est affis en la parroisse de S. Jean de Louviers, tenu a cours & ufage en basse justice.

Item, Jean Leroux tient un quart de fief noble, nommé le Fief de Leprevier, & s'eftend à S. Germain de Louviers.

Item, Nicolas Le Pillois, escuyer, tient un quart de fief de haulbert, nommé le Fief de Bercelou.

Item, Louis Le Pillois, tient un huitième de fief nommé le Fief de Ranville, affis en la paroiffe S. Germain près Louviers.

Item, Louis Bigars, efcuyer, tient un quart de fief noble par foy & hommage de haulbert, nommé le fief de Sal du bois, lequel eft affis ès parroiffes de S. Germain de Louviers & de Vauvray; & pour le discord de l'hommage dud. fief, pend proceds en l'eschiquier entre le procureur du roy notre fire d'une part, & ledit archevefque d'autre part.

Item, Laurin Lambert, tient un quart de fief noble nommé le fief au Bouteiller.

Item, Macé du Bufc, tient un quart de fief nommé le fief de la Londe, affis en la ville de Louviers, lequel doit aud. archevefque dix livres de rente au terme S. Michel & fix chappons a Noel par chacun an.

Item, Jean Le Roux tient un quart de fief noble nommé le fief de Maupertuis, & en doit quarante fols tournois & trois feptiers d'avoine avec dix deniers de rente a caufe d'une ifle ou Gore en la rivière d'Ure.

Et de tous jceux fiefs qui ont cours & vfage en baffe juftice font dus aud. archevefque reliefs, treizièmes, & faifances coutumiers, telles qu'il appartient faire de fief noble selon la coutume du pays.

Item, les tenans d'iceulx fiefs font tenus affifter en la court dud. archevefque a Louviers & d'aider a faire les jugements criminels; & fi doivent garder deux des foires de Louviers qui font aux deux feftes de S. Martin de l'an, & aller parmy la foire vne fois devant nous, & l'autre après nous a la compagnie des officiers de l'archevefque; & avec ce font tenus aller suffisamment armez & habillez querir les clercs que l'on a accoutumé de mener ès prifons en la compagnie du bailly d'iceluy lieu de Louviers ou fon lieutenant.

Item, l'abbé de S. Thorin d'Evreux tient aud. lieu de Louviers un plein fief de haubert en baffe juftice, reffortiffant en la haute juftice dud. Louviers, & doivent dud. fief aud. archevefque, coutumes & acquits, ainfy que les autres hommes d'icelle feigneurie de Louviers, & fi a coutume le fenechal d'iceluy fief, faire comparance en la garde defd. foires de S. Martin avec les autres qui y doivent garder.

Item, auprès de lad. ville, terre & feigneurie de Louviers, aud. baillage de Rouen & vicomté du Pont de l'Arche, led. archevefque tient un fief noble, nommé le fief de Painterville, auquel il y a un manoir avec toutes les appartenances d'iceluy fief qui s'étend en la parroiffe d'Eudebouville, en haute juftice, moyenne & baffe, rentes en deniers, terre, grains, agneaux, oiseaux, œufs, bois, vignes, reliefs, treizième, gardes de fous aages, fouages quand ils echoient, ventes de bois qui ne doivent tiers ny danger, forfaitures, amandes, exploits de jurisdiction, eftoublage, pafturage, prez, corvées, fenage de foins, faifances

& autres redevances, & en la rivière d'Ure, acquit a l'endroit du passage nommé le Pel de Painterville, & l'amende en deffaut de payement, ainfy qu'il eft accoustumé.

) & toutes

Item, le chateau & ville de Gaillon, la tour & ville des Voies (1. les appartenances d'iceux, avec la justice & jurifdiction plenière, & de tous nobles fiefs de haubert & membres de fiefs, qui font ès parroiffes de Saint Aubin de Gaillon & Saint Georges d'Aubevoye & Notre Dame de la Garenne ou s'etend lad. chatellenie, terre & feigneurie de Gaillon & des Nots; & a caufe de ce les archevefques de Rouen ont toutes les appartenances de lad. chatellenie, terre & feigneurie, c'est ascavoir cours, ufage de haute & moyenne & baffe juftice, bourgeois, hommes, gens & garde dudict chastel; & avec ce lefd. archevesques ont droit de prefenter aux prebendes dud. Gaillon & tel que le roy l'avoit & a la chapelle Saint Francois d'Aubevoys; & font en lad. chatellenie, terre & feigneurie de Gaillon & des Noes, terres labourables, moifons de vins, prez, bois, amandes de bois, ventes qui ne doivent tiers ne danger, chofes epaulx, gaives, garennes, fouage, garde de foufaages, rentes & revenus en deniers, en froment, bled, orge & avoines, noez, oiseaux, œufs, chapons, gelines, oues, pains, guerbes, efperons, mouttes franches, champarts, cens, franches mouttes, prevofté, coutume de mailles & de deniers, rentes, reliefs, treizième, forfaitures &, quand ils echoient, forestage & pannage, four a ban, moulins & moutes feques, etoublage, chariage, messerie, service de vavasseurs, corvées de charue & fervice de charette, tassage en la grange, bam de vins, pannage en la forest de Saint Aubin & autre aide de fiefs, allages, acquits d'eftaux, pefcherie en la parroiffe de Notre Dame de la Garenne, le trait en la rivière de Seine.

Item, un moulin a Authieux & le pré jouxte iceluy moulin, avec le bois eftant auprès dud. moulin, lequel bois n'eft fujet a tiers ne danger.

Item, en la parroisse de Longueville entre Vernon & le Goullet, quarante quatre muids de vin vermeil & fix muids de vin blanc de rente [que]jay affis fur certaines vignes qui font en icelle parroiffe de Lougueville appartenantes a plufieurs perfonnes.

Item, une maille de fleurence que doivent les religieux de Saint Ouen de Rouen, a caufe de leur terre de Bailleul qui s'etend auprès de Bauquefne.

Item, un quart de fief que tient Jean Seveftre, fujette a l'archevefque de Rouen, en foixante quatre fols parifis de rente par an.

Item, d'icelle chastellenie, terre & seigneurie de Gaillon, font tenus plufieurs fiefs par foy & hommage, c'est a scavoir le fief de Berou que tient a prefent Jean Dagarentiers, qui a court & ufage.

Le fief de Tournebut en baffe juftice que tient a prefent Louis Le Pillois, dont les chefs font affis esd. parroiffes de Gaillon & Aubevoye; & pour le difcord de l'hommage, proceds eft pendant en la court de l'echiquier de Normandie entre led. archevefque de Rouen & le procureur du roy notre fire, pour cause que ceux qui les tiennent ont mis l'hommage en la main du roy.