1545 3 fév.

XXI

A Mgr Mgr le conte d'Aubmalle.

Monseigneur suiuant ce que m'avez escript et commandé que sil s'offroit occasion de faire quelque belle faction par deça que Je vous en aduertisse, je n'ay voullu faillir vous adviser, Monseigneur, que le Roy m'a mandé que par dedant huit jours son escorte de mer sera preste pour faire l'advitaillement du fort, et pour autant quil fauldra là demeurer cinq ou six jours auprès dudit fort, attendant que le dit advitaillement sera descendu et mis dedans Et que j'estime que les Angloys vouldront lors avoir leur reuenche Vous penserez, Monseigneur, sil vous plaira vous y trouver et je vous acompaigneray et obéiray comme le plus affectionné de voz serviteurs; Incontinent après se fera aussi celluy d'Ardre ou l'on demeurera plus longuement à la compaigne qui ne sera comme je m'y attends sans frapper. Vous suppliant très humblement Mgr escripre à vostre compaignie quelle demeure par deça la myeulx fournye qu'il sera possible comme cette que le Roy entend estre à ces factions, et de laquelle je me fye autant.

Mouseigneur je me recommande très humblement à vostre bonne grâce et prye Dieu vous donner très bonne et longue vye. De Montreul le 3o jour de fevriert 1545.

Vostre très humble et tres obeissant serviteur.

OUDART DU Bies.

BIBL. NAT. (Clairambault 339, fo 130-131.Orig.)

XXII

Lettre du Maréchal du Biez au comte d'Aumale.

1545 8 février.

Monseigneur j'ay reçeu la lettre quil vous a pleu m'escripre du second jour de ce present mois Et ne vous sçaroye assez humblement remercier des nouvelles dont par icelles vous m'avez fait part. Vous advisant, Mgr, que je suis très ayse du bien et honneur quil plaist à Monseigneur le dauphin faire à M. de Bourbonne de le prendre des syens Et quant à l'excuze des cinq hommes d'armes et 4 archers de vostre compaignye nommez au memoire que m'auez envoyé pour la prochaine monstre je commanderaye aux commissaire et contrerolleur qui feront vostre monstre de les passer et employer au roolle, désirant non seullement en cest endroict vous satisfaire de ma puissance, mais l'emploïer en tout aultre où il vous plaira me commander jusques à y mettre de très bon cœur la vye comme cellui qui se tient et veult demeurer sil vous plaist du nombre de voz très humbles seruiteurs. Je vous ay depuis six jours escript une lettre par la voye de la poste vous advertissant par icelle des preparatif de l'advitaillement du fort et d'ardre pour vous y trouver si le trouuez bon. Dont je ne vous ferait aultre recit sinon que ce propos se continue tousiours et croy qu'il se ex(e)cutera de brief.

Mgr je me recommande très humblement à vostre

bonne grace et prye Dieu vous donner très bonne et longue vye. De Montreuil le vir jour de febrier 1545. Vostre très humble et très obéissant serviteur.

OUDARD DU BIES.

A Mgr Mgr le Cte d'Aubmale.

BIBL. NAT. Clairambault 339, f. 132-133, Original.

XXIII

Quittance.

1546 2 may

Nous Françoys de Montmorency, sr de la Rochepot, chr de l'ordre du Roy nostre s', et capne de 50 lances fournyes de ses ordonnances confessons avoir eu et reçeu comptant de Me Nicolas de Troyes, coner dudit s' et tresorier de ses guerres par les mains de Alain Veau, esleu de Beauvais et payeur desdictes 50 lances la somme de 500 liv. ts. à nous ordonnée par icellui sr pour nostre estat ancyen de cappitaine et creue d'icelluy des quartiers de juillet aoust et septembre, octobre novembre et decembre MV XLV derrain passéz, qui est à raison de M liv. par an Oultre nostre place et soulde d'hommes d'armes. De laquelle somme de Ve 1. nous nous tenons pour content et en quittons lesdicts de Troye, trèsorier et Veau payeur... En tesmoing nous avons signé ceste présente de nostre main et fait sceller du scel de nos armes le 2o may 1546. FR. MONTMORANCY (1).

Sceau disparu.

BIBL. NAT. Pièces orig. 2031, p. 89.

(1) Frère d'Anne de Montmorency, connétable.

Nous françois de Sempy baron dordre commissaire extraordinaire de la guerre confessons auoir eu et receu comptant de Me Raoul Moreau conseiller du Roy et par luy commis à tenir le compte et faire le paiement des fraiz extraordinaires de ses guerres ès pays de Picardye et Champaigne La somme de quarante liures tournois A nous ordonnée pour nostre tauxation du present mois doctobre durant lequel nous auons seruy et vacqué a faire partye des monstres et reueues des gens de guerre a pied estans en garnison pour le seruice du Roy en ses pays de Picardie et Boullennois. De laquelle somme de XL 1. t. Nous tenons content et bien payé et en quictons ledict Me Raoul moreau commis dessusdict et tous autres En tesmoing de ce nous auons signé la presente de nostre main Et icelle seellee du seel de noz armes le XVIIe jour dudit mois doctobre lan mil cinq cens quarante sept.

FRANCHOIS De Sempy.

(Original 1 f. in 4o obl, parch.-traces de sceau.) Autre quittance du même du 18 9bre 1547 de la

même somme.

(Original 1 f. in 4o obl. parch.)

BIBL. A. DE ROSNY.

XXV

1547 16 nov.

ACCORD faict au Conseil du Roy AVEC LE CAPPITAINE PIERRE SALCEDO de la fourniture des pain et vin necessaires pour la nouriture des gens de guerre ordonnez par ledict sgr à la garde, tuition et deffense des forts d'Oultreaue et chasteau de Hardelo, assavoir de 1,500 hommes de guerre pour ledit fort et de 300 autres hommes de guerre pour ledit chasteau de Hardelo pour 4 ans, commençans au jour de Noel prochain venant et qui finiront audict jour de Noel l'an 1551.

Et oultre de garder entretenir, conserver et renouveller sans aucun decet ou diminucion durant lesdicts quatre ans dedans lesdictes deux places de 250 muys de bled froment, mesure de Paris, ou farines, 10 muys de poix, dix muys de feves, vingt mil liures de lardz, 8,000 liv. de beurres, 10,000 liv. de fromaiges de Flandres et Bethune par moictié, 3,000 liv, d'huille d'olvye, 10,000 liv. de chandelle de suif, le tout poix de marc à raison de xvi onces pour livre.

5,000 morues seiches des Terres Neufves, 20 muys de sel mesure dudict Paris, 1,000 muys de vin, jaulge dudit Paris ou d'Auxerrois, 15 muys de vinaigre et 10 muys de verjus,

Tous lesquelz vivres et municions seront pour et au nom du Roy nostre dict ser fourniz et livrez audict cappe Salcedo des blez, vins et autres vivres qui sont de present appartenans audict s' aux villes d'Amyens, Abbeville, Sainct Walery sur Some, Monstreul sur la mer et audict fort d'Oultreau, le tout bon, loyal et